22 дугаар зүйл
Хамгаалалтын арга хэмжээ хэрэглэх шийдвэр гаргахад харгалзан үзэх нөхцөл
Хувилбар
22.1. Хамгаалалтын арга хэмжээ хэрэглэх шийдвэр гаргахдаа эрх бүхий албан тушаалтан дараах нөхцөлийг харгалзан үзнэ:
/Энэ хэсэгт 2020 оны 04 дүгээр сарын 24-ний өдрийн хуулиар өөрчлөлт оруулсан./
22.1.1. гэрч, хохирогчийн аюулгүй байдалд учирч болох эрсдэл;
22.1.2. хамгаалалтад авснаар олон нийтэд учирч болох эрсдэл;
22.1.3. гэрч, хохирогчийн өгсөн, өгөхөөр зөвшөөрсөн мэдээлэл, нотлох баримтын ач холбогдол;
22.1.4. нөхцөл байдлын үнэлгээ, аюулын эрсдэлийн түвшин;
22.1.5. хамгаалалтыг хэрэгжүүлэхэд шаардагдах зардал;
22.1.6. хамгаалах арга хэмжээ хэрэглэх эсэхийг тодорхойлох сэтгэл зүйн сорилын үр дүн;
22.1.7. бусад нөхцөл.
22.2. Энэ хуулийн 23.4-т заасан сэтгэл зүйчийн баг нь шаардлагатай тохиолдолд гэрч, хохирогчийн сэтгэл зүйн байдлыг тодорхойлох зорилгоор энэ хуулийн 22.1.6-д заасан сэтгэл зүйн сорилыг авч, хамгаалалтын хэлбэрийг сонгох зөвлөмж гаргана.
/Энэ хэсэгт 2020 оны 04 дүгээр сарын 24-ний өдрийн хуулиар өөрчлөлт оруулсан./
Нэмэлт, өөрчлөлт
3Нэмэлт, өөрчлөлтийн түүх
2020.04.24Өөрчлөлт
/Энэ зүйлийн гарчигт 2020 оны 04 дүгээр сарын 24-ний өдрийн хуулиар өөрчлөлт оруулсан./
2020.04.24Өөрчлөлт
/Энэ хэсэгт 2020 оны 04 дүгээр сарын 24-ний өдрийн хуулиар өөрчлөлт оруулсан./
2013.07.05Батлагдсан
Хууль батлагдсан үеийн анхны найруулга.