Давж заалдах шатны шүүхийн шийдвэр

Хувилбар

1. Давж заалдах шатны шүүх дараахь шийдвэрийн аль нэгийг гаргана:

1.1. гомдол, эсэргүүцлийг хэрэгсэхгүй болгож, анхан шатны шүүхийн шийдвэрийг хэвээр үлдээх;

1.2. анхан шатны шүүхийн шийдвэрийг бүхэлд нь, эсхүл зарим хэсгийг хүчингүй болгож, эрүүгийн хэргийг хэрэгсэхгүй болгох;

1.3. энэ хуулийн 33.3 дугаар зүйлийн 1 дэх хэсэг, 34.7 дугаар зүйлийн 6.2-т заасан үндэслэлээр анхан шатны шүүхийн шийдвэрийг бүхэлд нь, эсхүл зарим хэсгийг хүчингүй болгож, хэргийг прокурорт, эсхүл дахин хэлэлцүүлэхээр шүүхэд буцаах;

Энэ заалтыг 2022.06.03-ны өдрийн хуулиар хүчингүй болсонд тооцсон Энэ заалтыг 2019.04.25-ны өдрийн хуулиар өөрчлөн найруулсан

1.4. хэргийн зүйлчлэл, ялыг хүндрүүлэхгүйгээр анхан шатны шүүхийн шийдвэрт өөрчлөлт оруулах;

Үндсэн хуулийн цэцийн 2019.03.13-ны өдрийн 01 дүгээр дүгнэлтээр "... эсхүл хүндрүүлж ..." гэсэн нь Үндсэн хууль зөрчсөн байна гэснийг Монгол Улсын Их Хурлын 2019.03.26-ны өдрийн 27 дугаар тогтоолоор хүлээн зөвшөөрсөн Энэ заалтыг 2019.04.25-ны өдрийн хуулиар өөрчлөн найруулсан

1.5. энэ хуулийн 36.8 дугаар зүйлийн 1.3, 1.4, 1.5, 1.6, 1.7, 1.8, 1.9-д заасан шийдвэрт өөрчлөлт оруулах.

Энэ заалтыг 2020.01.10-ны өдрийн хуулиар хүчингүй болсонд тооцсон

2. Давж заалдах шатны шүүхийн шийдвэрт дараахь зүйлийг тусгана:

2.1. давж заалдах гомдол, эсэргүүцлийг хэзээ, хаана, хэн гаргасан;

2.2. давж заалдах шатны шүүх бүрэлдэхүүний нэр, прокурор, өмгөөлөгчийн нэр;

2.3. анхан шатны шүүхийн нэр, шийдвэр гарсан он, сар, өдөр, дугаар;

2.4. анхан шатны шүүхийн шийдвэрийн товч агуулга;

2.5. давж заалдах гомдол, эсэргүүцлийн үндэслэл;

2.6. давж заалдах гомдол, эсэргүүцэлд гаргасан хариу тайлбарын агуулга;

2.7. давж заалдах шатны шүүхийн дүгнэлт, түүний үндэслэл;

2.8. шүүх бүрэлдэхүүний гарын үсэг.

Шүүхийн практик

Эрх мэдлийн зэрэглэлээр давхарлаж эрэмбэлэв. Улсын дээд шүүхийн шийдвэр эхэнд; доод шатны шийдвэр жишээ, статистик ач холбогдолтой.

1 · Шүүхийн шийдвэрУлсын дээд шүүх

Энэ зүйлд хамаарах Улсын дээд шүүхийн албан ёсны тайлбар одоогоор алга.

2 · Сонгомол шийдвэрshuukh.mn — чиглүүлэх ач холбогдолтой

Сонгомол шийдвэр одоогоор холбоогүй.

Энэ зүйлийн нийт практик, ял оногдуулалтын статистик одоогоор холбогдоогүй. shuukh.mn дээрх шийдвэрийн сангаас зүйлийн дугаараар хайж болно.

Нэр томьёо

Холбогдох хуульчилсан нэр томьёо

"ДАВЖ ЗААЛДАХ ШАТНЫ ШҮҮХ"

“ДАВЖ ЗААЛДАХ ШАТНЫ ШҮҮХ” гэж эрүүгийн хэргийг давж заалдах журмаар хянан шийдвэрлүүлэхээр хуулиар харьяалуулсан шүүхийг; /2017.05.18-ны Эрүүгийн хэрэг хянан шийдвэрлэх тухай хуулийн 1.4.1.1.6/

/2017.05.18/

"АНХАН ШАТНЫ ШҮҮХ"

“АНХАН ШАТНЫ ШҮҮХ” гэж эрүүгийн хэргийг анхан шатны журмаар хянан шийдвэрлүүлэхээр хуулиар харьяалуулсан шүүхийг; /2017.05.18-ны Эрүүгийн хэрэг хянан шийдвэрлэх тухай хуулийн 1.4.1.1.1/

/2017.05.18/

"ПРОКУРОР"

“ПРОКУРОР” гэж Прокурорын тухай хуульд заасан дээд шатны прокурор, бусад прокурорыг; /2017.05.18-ны Эрүүгийн хэрэг хянан шийдвэрлэх тухай хуулийн 1.4.1.1.18/

/2017.05.18/

Нэмэлт, өөрчлөлт

Нэмэлт, өөрчлөлтийн түүх

2022.06.03Хүчингүй болсон

Энэ заалтыг 2022.06.03-ны өдрийн хуулиар хүчингүй болсонд тооцсон

2020.01.10Хүчингүй болсон

Энэ заалтыг 2020.01.10-ны өдрийн хуулиар хүчингүй болсонд тооцсон

2019.04.25Шинэчлэн найруулсан

Энэ заалтыг 2019.04.25-ны өдрийн хуулиар өөрчлөн найруулсан

2019.03.13Өөрчлөлт

2017.05.18Батлагдсан

Хууль батлагдсан үеийн анхны найруулга.