Сэжигтний эрх

Хувилбар

1. Сэжигтэн дараахь эрхтэй:

Энэ хэсэгт 2020.01.10-ны өдрийн хуулиар өөрчлөлт оруулсан

1.1. баривчилсан үндэслэлтэй танилцах;

1.2. хойшлуулшгүйгээр баривчилснаас бусад тохиолдолд баривчлах тухай шүүхийн зөвшөөрөлтэй хуульд заасан хугацаанд танилцах, хуулбарыг авах;

Энэ заалтад 2024.01.17-ны өдрийн хуулиар “шүүхийн зөвшөөрөлгүй” гэснийг “хойшлуулшгүйгээр” гэж өөрчлөлт оруулсан бөгөөд 2024.08.01-ний өдрөөс эхлэн дагаж мөрдөнө

1.3. өөрийгөө өмгөөлөх, өмгөөлүүлэх, өмгөөлөгч, гэр бүлийн гишүүнтэй холбогдох боломжоор хангагдах;

1.4. баривчлах шийдвэр, ажиллагааны талаар шүүхэд гомдол гаргах;

1.5. өөрийнхөө эсрэг мэдүүлэг өгөхгүй байх;

1.6. эмнэлгийн тусламж авах;

1.7. хууль бусаар баривчилсны улмаас учирсан хохирлоо арилгуулахаар гомдол гаргах;

1.8. хууль зөрчсөн эрх бүхий албан тушаалтан, мөрдөгч, прокурорын үйл ажиллагаанд гомдол гаргах.

2. Баривчлагдсан сэжигтэн түүний хууль ёсны төлөөлөгч, өмгөөлөгч эрүүгийн хэрэг үүсгэж яллагдагчаар татах тогтоолтой танилцаж, хуулбарлаж авах, баривчилсан үндэслэлийн талаар мөрдөгчөөр тайлбарлуулах эрхтэй.

Шүүхийн практик

Эрх мэдлийн зэрэглэлээр давхарлаж эрэмбэлэв. Улсын дээд шүүхийн шийдвэр эхэнд; доод шатны шийдвэр жишээ, статистик ач холбогдолтой.

1 · Шүүхийн шийдвэрУлсын дээд шүүх

Энэ зүйлд хамаарах Улсын дээд шүүхийн албан ёсны тайлбар одоогоор алга.

2 · Сонгомол шийдвэрshuukh.mn — чиглүүлэх ач холбогдолтой

Сонгомол шийдвэр одоогоор холбоогүй.

Энэ зүйлийн нийт практик, ял оногдуулалтын статистик одоогоор холбогдоогүй. shuukh.mn дээрх шийдвэрийн сангаас зүйлийн дугаараар хайж болно.

Нэр томьёо

Холбогдох хуульчилсан нэр томьёо

"ГЭР БҮЛИЙН ГИШҮҮН"

“ГЭР БҮЛИЙН ГИШҮҮН” гэж Гэр бүлийн тухай хуулийн 3.1.4-т заасныг; /2017.05.18-ны Эрүүгийн хэрэг хянан шийдвэрлэх тухай хуулийн 1.4.1.1.4/

/1999.06.11, 2017.05.18/

"ЭРХ БҮХИЙ АЛБАН ТУШААЛТАН"

“ЭРХ БҮХИЙ АЛБАН ТУШААЛТАН” /Эрүүгийн хуулийн 13 дугаар бүлэгт заасан/ гэж хуульд заасны дагуу мөрдөн шалгах, хэрэг бүртгэх, зөрчил шалган шийдвэрлэх ажиллагаа, гүйцэтгэх ажил явуулах эрх бүхий хүнийг ойлгоно. /2015.12.03-ны Эрүүгийн хуулийн 13.8/

/2015.12.03/

"ПРОКУРОР"

“ПРОКУРОР” гэж Прокурорын тухай хуульд заасан дээд шатны прокурор, бусад прокурорыг; /2017.05.18-ны Эрүүгийн хэрэг хянан шийдвэрлэх тухай хуулийн 1.4.1.1.18/

/2017.05.18/

"МӨРДӨГЧ"

“МӨРДӨГЧ” гэж хэрэг бүртгэлт, мөрдөн байцаалт явуулах эрх бүхий албан тушаалтныг; /2017.05.18-ны Эрүүгийн хэрэг хянан шийдвэрлэх тухай хуулийн 1.4.1.1.8/

/2017.05.18/

"ХУУЛЬ ЁСНЫ ТӨЛӨӨЛӨГЧ"

“ХУУЛЬ ЁСНЫ ТӨЛӨӨЛӨГЧ” гэж Эрүүгийн хэрэг хянан шийдвэрлэх тухай хуулийн 9.5 дугаар зүйлийн 1 дэх хэсэгт заасан хүмүүсийг. /1998.01.02-ны Улс төрийн хилс хэрэгт хэлмэгдэгчдийг цагаатгах, тэдэнд нөхөх олговор олгох тухай хуулийн 3.1.4/

/1998.01.02/

"ЯЛЛАГДАГЧ"

“ЯЛЛАГДАГЧ” гэж Эрүүгийн хуульд заасны дагуу эрүүгийн хэрэг үүсгэж яллагдагчаар татах тогтоолтой танилцсан сэжигтнийг, /2017.05.18-ны Эрүүгийн хэрэг хянан шийдвэрлэх тухай хуулийн 7.1/

/2017.05.18/

Нэмэлт, өөрчлөлт

Нэмэлт, өөрчлөлтийн түүх

2024.01.17Өөрчлөлт

2020.01.10Өөрчлөлт

Энэ зүйлийн гарчигт 2020.01.10-ны өдрийн хуулиар өөрчлөлт оруулсан

2020.01.10Өөрчлөлт

Энэ хэсэгт 2020.01.10-ны өдрийн хуулиар өөрчлөлт оруулсан

2017.05.18Батлагдсан

Хууль батлагдсан үеийн анхны найруулга.