31.5 дугаар зүйл. Сэжигтнийг шүүхийн зөвшөөрөлгүй баривчлах — Эрүүгийн хэрэг хянан шийдвэрлэх тухай хууль

Үндсэн хэсэг

31.5 дугаар зүйл

Сэжигтнийг шүүхийн зөвшөөрөлгүй баривчлах

Хувилбар

1. Эрүүгийн хуулийн тусгай ангид хорих ял оногдуулахаар заасан гэмт хэрэгт холбогдуулан сэжигтнийг дараах үндэслэлээр хойшлуулшгүйгээр баривчилж болно:

Энэ хэсгийг 2024.01.17-ны өдрийн хуулиар өөрчлөн найруулсан бөгөөд

2024.08.01. -ний өдрөөс эхлэн дагаж мөрдөнө/

1.1. гэмт хэрэг үйлдэж байх үед, эсхүл үйлдсэн дор нь, эсхүл гэмт хэрэг үйлдсэн газраас зугтах үед барьсан;

Энэ заалтыг 2024.01.17-ны өдрийн хуулиар өөрчлөн найруулсан бөгөөд

2024.08.01. -ний өдрөөс эхлэн дагаж мөрдөнө/

1.2. гэмт хэрэг үйлдсэн даруй гэрч, хохирогч шууд заасан;

Энэ заалтыг 2024.01.17-ны өдрийн хуулиар өөрчлөн найруулсан бөгөөд

2024.08.01. -ний өдрөөс эхлэн дагаж мөрдөнө/

1.3. хэргийн газарт болон тухайн хүний хувцас, бие, орон байр, эд зүйл, тээврийн хэрэгсэлд ул мөр илэрсэн.

Энэ заалтыг 2024.01.17-ны өдрийн хуулиар өөрчлөн найруулсан бөгөөд

2024.08.01. -ний өдрөөс эхлэн дагаж мөрдөнө/

2. Эрүүгийн хуулийн тусгай ангид хорих ял оногдуулахаар заагаагүй гэмт хэрэгт холбогдуулан сэжигтнийг энэ зүйлийн 1 дэх хэсэгт зааснаас гадна дараах үндэслэлийн аль нэг нь тогтоогдвол хойшлуулшгүйгээр баривчилж болно:

Энэ хэсгийг 2024.01.17-ны өдрийн хуулиар өөрчлөн найруулсан бөгөөд

2024.08.01. -ний өдрөөс эхлэн дагаж мөрдөнө/

2.1. хэн болох нь тогтоогдоогүй;

Энэ заалтыг 2024.01.17-ны өдрийн хуулиар өөрчлөн найруулсан бөгөөд

2024.08.01. -ний өдрөөс эхлэн дагаж мөрдөнө/

2.2. Монгол Улсад оршин суух газрын хаяг тодорхойгүй, эрхэлсэн ажилгүйн улмаас түүнийг мэдэгдэх хуудсаар дуудах боломжгүй;

Энэ заалтыг 2024.01.17-ны өдрийн хуулиар өөрчлөн найруулсан бөгөөд

2024.08.01. -ний өдрөөс эхлэн дагаж мөрдөнө/

2.3. Монгол Улсад байнга оршин суудаггүй.

Энэ заалтыг 2024.01.17-ны өдрийн хуулиар өөрчлөн найруулсан бөгөөд

2024.08.01. -ний өдрөөс эхлэн дагаж мөрдөнө/

3. Эрүүгийн хуулийн тусгай ангид заасан хүнд гэмт хэрэг үйлдэгдсэн даруй энэ зүйлийн 1 дэх хэсэгт зааснаас бусад үндэслэл бүхий сэжиг тогтоогдвол сэжигтнийг энэ зүйлийн 2 дахь хэсэгт заасан аль нэг үндэслэлээр хойшлуулшгүйгээр баривчилж болно.

Энэ хэсгийг 2024.01.17-ны өдрийн хуулиар өөрчлөн найруулсан бөгөөд

2024.08.01. -ний өдрөөс эхлэн дагаж мөрдөнө/

4. Мөрдөгч сэжигтнийг хойшлуулшгүйгээр баривчилсан даруй прокурорт мэдэгдэж, прокурор баривчлах ажиллагаа хуульд нийцсэн эсэхийг хянаж дараах шийдвэрийн аль нэгийг гаргана:

Энэ хэсгийг 2024.01.17-ны өдрийн хуулиар өөрчлөн найруулсан бөгөөд

2024.08.01. -ний өдрөөс эхлэн дагаж мөрдөнө/

4.1. мөрдөгчийн шийдвэрийг баталж, шүүхэд даруй хүргүүлэх;

Энэ заалтыг 2024.01.17-ны өдрийн хуулиар өөрчлөн найруулсан бөгөөд

2024.08.01. -ний өдрөөс эхлэн дагаж мөрдөнө/

4.2. мөрдөгчийн шийдвэрийг үндэслэлгүй, эсхүл үргэлжлүүлэн баривчлах шаардлагагүй гэж үзвэл батлахаас татгалзаж, тэмдэглэл үйлдэх.

Энэ заалтыг 2024.01.17-ны өдрийн хуулиар өөрчлөн найруулсан бөгөөд

2024.08.01. -ний өдрөөс эхлэн дагаж мөрдөнө/

5. Үндэслэлгүйгээр баривчлагдсан сэжигтнийг прокурор даруй суллана.

Энэ хэсгийг 2024.01.17-ны өдрийн хуулиар өөрчлөн найруулсан бөгөөд

2024.08.01. -ний өдрөөс эхлэн дагаж мөрдөнө/

6. Мөрдөгч энэ хуулийн 30.17 дугаар зүйлийн 2 дахь хэсэгт заасан үндэслэлтэй бол хойшлуулшгүйгээр баривчилсан сэжигтэнд эрүүгийн хэрэг үүсгэж яллагдагчаар татах саналаа сэжигтнийг баривчилснаас хойш прокурорт даруй хүргүүлнэ.

Энэ хэсгийг 2024.01.17-ны өдрийн хуулиар өөрчлөн найруулсан бөгөөд

2024.08.01. -ний өдрөөс эхлэн дагаж мөрдөнө/

7. Прокурор мөрдөгчийн саналыг үндэслэлтэй гэж үзвэл саналыг хүлээн авснаас хойш 6 цагийн дотор баривчилсан сэжигтэнд эрүүгийн хэрэг үүсгэж яллагдагчаар татах эсэхийг шийдвэрлэнэ.

Энэ хэсгийг 2024.01.17-ны өдрийн хуулиар өөрчлөн найруулсан бөгөөд

2024.08.01. -ний өдрөөс эхлэн дагаж мөрдөнө/

8. Прокурор сэжигтнийг баривчилсан шийдвэрийг хүчинтэйд тооцуулах, тодорхой үйл ажиллагаа явуулах, албан үүргээ биелүүлэхийг түдгэлзүүлэх, хязгаарлалт тогтоох, цагдан хорих таслан сэргийлэх арга хэмжээ авах тухай саналаа баривчлах хугацаа дуусахаас 24 цагийн өмнө шүүхэд хүргүүлнэ.

Энэ хэсгийг 2024.01.17-ны өдрийн хуулиар өөрчлөн найруулсан бөгөөд

2024.08.01. -ний өдрөөс эхлэн дагаж мөрдөнө/

9. Шүүх энэ зүйлийн 8 дахь хэсэгт заасан прокурорын саналыг хүлээн авснаас хойш даруй, эсхүл 24 цагийн дотор шүүхийн хэлэлцүүлгийг товлон явуулж, прокурорын саналыг үндэслэн баривчлах ажиллагааг хүчинтэйд тооцох, яллагдагчид таслан сэргийлэх арга хэмжээ авах эсэхийг хянан шийдвэрлэнэ.

Энэ хэсгийг 2024.01.17-ны өдрийн хуулиар өөрчлөн найруулсан бөгөөд

2024.08.01. -ний өдрөөс эхлэн дагаж мөрдөнө/

10. Прокурор, эсхүл баривчлах байрны даргын шийдвэрээр суллагдсан сэжигтэн, түүний хууль ёсны төлөөлөгч, өмгөөлөгч уг хэрэг гарсан газрын харьяалах шүүхэд баривчлах ажиллагааны талаар сэжигтнийг суллагдсанаас хойш 10 хоногийн дотор гомдол гаргаж болно. Прокурор гомдолд холбогдох материалыг харьяалах шүүхэд даруй хүргүүлнэ.

Энэ хэсгийг 2024.01.17-ны өдрийн хуулиар өөрчлөн найруулсан бөгөөд

2024.08.01. -ний өдрөөс эхлэн дагаж мөрдөнө/

11. Шүүх энэ зүйлийн 10 дахь хэсэгт заасан гомдлыг хүлээн авснаас хойш 14 хоногийн дотор энэ хуульд заасан нийтлэг журмын дагуу шүүхийн хэлэлцүүлгийг товлон явуулж, баривчлах ажиллагааг хүчинтэйд тооцох эсэхийг хянан шийдвэрлэнэ. Энэ шийдвэрт гомдол гаргахгүй.

Энэ хэсгийг 2024.01.17-ны өдрийн хуулиар өөрчлөн найруулсан бөгөөд

2024.08.01. -ний өдрөөс эхлэн дагаж мөрдөнө/

12. Энэ зүйлийн 10 дахь хэсэгт заасны дагуу суллагдсан хүн гомдол гаргаагүй бол холбогдох шийдвэрийг 30 хоногийн дотор харьяалах шүүхэд хүргүүлнэ.

Энэ хэсгийг 2024.01.17-ны өдрийн хуулиар өөрчлөн найруулсан бөгөөд

2024.08.01. -ний өдрөөс эхлэн дагаж мөрдөнө/

Шүүхийн практик

Эрх мэдлийн зэрэглэлээр давхарлаж эрэмбэлэв. Улсын дээд шүүхийн шийдвэр эхэнд; доод шатны шийдвэр жишээ, статистик ач холбогдолтой.

1 · Шүүхийн шийдвэрУлсын дээд шүүх

Энэ зүйлд хамаарах Улсын дээд шүүхийн албан ёсны тайлбар одоогоор алга.

2 · Сонгомол шийдвэрshuukh.mn — чиглүүлэх ач холбогдолтой

Сонгомол шийдвэр одоогоор холбоогүй.

Энэ зүйлийн нийт практик, ял оногдуулалтын статистик одоогоор холбогдоогүй. shuukh.mn дээрх шийдвэрийн сангаас зүйлийн дугаараар хайж болно.

Нэр томьёо

9

Холбогдох хуульчилсан нэр томьёо

"ХОХИРОГЧ"

“ХОХИРОГЧ” гэж гэмт хэргийн улмаас амь нас, эрүүл мэнд, бусад эрх, эрх чөлөө, эд хөрөнгийн болон эд хөрөнгийн бус хохирол хүлээсэн хүн, хуулийн этгээдийг, /2017.05.18-ны Эрүүгийн хэрэг хянан шийдвэрлэх тухай хуулийн 8.1/

/2017.05.18/

"ТЭЭВРИЙН ХЭРЭГСЭЛ"

“ТЭЭВРИЙН ХЭРЭГСЭЛ” гэж хүн, ачаа, суурилагдсан тоног төхөөрөмжийг замаар тээвэрлэхэд зориулсан хэрэгслийг; /2015.07.08-ны Замын хөдөлгөөний аюулгүй байдлын тухай хуулийн 3.1.1/

/2015.07.08/

"ҮНДЭСЛЭЛ БҮХИЙ СЭЖИГ"

“ҮНДЭСЛЭЛ БҮХИЙ СЭЖИГ” гэж энэ хуульд заасан тодорхой ажиллагаа явуулах нөхцөл үүссэн, эсхүл үйлдэгдэж болзошгүй гэмт хэргийн талаархи мэдээлэл, хэргийн нөхцөл байдалд тулгуурласан мөрдөгч, прокурор, шүүгчийн дотоод итгэлийг; /2017.05.18-ны Эрүүгийн хэрэг хянан шийдвэрлэх тухай хуулийн 1.4.1.1.23/

/2017.05.18/

"ХҮНД ГЭМТ ХЭРЭГ"

“ХҮНД ГЭМТ ХЭРЭГ” гэж Эрүүгийн хуулийн тусгай ангид хорих ялын доод хэмжээг хоёр жил, түүнээс дээш хугацаагаар оногдуулахаар тогтоосон гэмт хэргийг, /2015.12.03-ны Эрүүгийн хуулийн 2.6.1/

/2015.12.03/

"ПРОКУРОР"

“ПРОКУРОР” гэж Прокурорын тухай хуульд заасан дээд шатны прокурор, бусад прокурорыг; /2017.05.18-ны Эрүүгийн хэрэг хянан шийдвэрлэх тухай хуулийн 1.4.1.1.18/

/2017.05.18/

"МӨРДӨГЧ"

“МӨРДӨГЧ” гэж хэрэг бүртгэлт, мөрдөн байцаалт явуулах эрх бүхий албан тушаалтныг; /2017.05.18-ны Эрүүгийн хэрэг хянан шийдвэрлэх тухай хуулийн 1.4.1.1.8/

/2017.05.18/

"МӨРДӨГЧИЙН ШИЙДВЭР"

“МӨРДӨГЧИЙН ШИЙДВЭР” гэж эрүүгийн хэрэг хянан шийдвэрлэх ажиллагааны явцад мөрдөгчийн гаргах тогтоолыг; /2017.05.18-ны Эрүүгийн хэрэг хянан шийдвэрлэх тухай хуулийн 1.4.1.1.35/

/2017.05.18/

"ЯЛЛАГДАГЧ"

“ЯЛЛАГДАГЧ” гэж Эрүүгийн хуульд заасны дагуу эрүүгийн хэрэг үүсгэж яллагдагчаар татах тогтоолтой танилцсан сэжигтнийг, /2017.05.18-ны Эрүүгийн хэрэг хянан шийдвэрлэх тухай хуулийн 7.1/

/2017.05.18/

"ХУУЛЬ ЁСНЫ ТӨЛӨӨЛӨГЧ"

“ХУУЛЬ ЁСНЫ ТӨЛӨӨЛӨГЧ” гэж Эрүүгийн хэрэг хянан шийдвэрлэх тухай хуулийн 9.5 дугаар зүйлийн 1 дэх хэсэгт заасан хүмүүсийг. /1998.01.02-ны Улс төрийн хилс хэрэгт хэлмэгдэгчдийг цагаатгах, тэдэнд нөхөх олговор олгох тухай хуулийн 3.1.4/

/1998.01.02/

Нэмэлт, өөрчлөлт

4

Нэмэлт, өөрчлөлтийн түүх

2024.01.17Шинэчлэн найруулсан

Энэ зүйлийг 2024.01.17-ны өдрийн хуулиар өөрчлөн найруулсан бөгөөд 2024.08.01-ний өдрөөс эхлэн дагаж мөрдөнө

2024.01.17Шинэчлэн найруулсан

Энэ хэсгийг 2024.01.17-ны өдрийн хуулиар өөрчлөн найруулсан бөгөөд

2024.01.17Шинэчлэн найруулсан

Энэ заалтыг 2024.01.17-ны өдрийн хуулиар өөрчлөн найруулсан бөгөөд

2017.05.18Батлагдсан

Хууль батлагдсан үеийн анхны найруулга.