1. Прокурор, мөрдөгч гэмт хэрэг үйлдсэн гэм буруугаа хүлээн зөвшөөрч, мөрдөн шалгах ажиллагааг шуурхай явуулж гэмт хэргийг нотлоход дэмжлэг үзүүлэхээ илэрхийлж, гэмт хэргийн улмаас учруулсан хохирлоо нөхөн төлсөн, эсхүл нөхөн төлөхөө илэрхийлсэн бол хэргийг хялбаршуулсан журмаар хянан шийдвэрлүүлэх хүсэлт гаргасан яллагдагчид Эрүүгийн хуулийн 5.5 дугаар зүйлийн 4 дэх хэсэг, 6.7 дугаар зүйлд заасныг үндэслэн ял оногдуулах, ялаас чөлөөлөх, ял оногдуулахгүй тэнсэж албадлагын арга хэмжээ хэрэглэх тухай болон энэ бүлэгт заасан журмаар хэрэг хянан шийдвэрлэх үндэслэл, журмыг танилцуулна.
Энэ хэсэгт 2022.12.16-ны өдрийн хуулиар нэмэлт оруулсан Энэ хэсэгт 2020.01.10-ны өдрийн хуулиар өөрчлөлт оруулсан
2. Прокурор яллагдагчийн хүсэлтийг хүлээн авах, эсхүл татгалзах тухай тогтоол гаргана.
3. Прокурор хэргийг хялбаршуулсан журмаар шийдвэрлэх боломжтой гэж үзсэн бол мөрдөгч 14 хоногийн дотор мөрдөн байцаалт явуулна.
4. Прокурор хэргээ хялбаршуулсан журмаар хянан шийдвэрлүүлэхээр гаргасан яллагдагчийн хүсэлтийг хүлээн авсан мөрдөгчид дараах мөрдөн шалгах ажиллагаанаас шаардлагатай гэж үзсэн ажиллагааг явуулахыг даалгана:
Энэ хэсгийг 2022.12.16-ны өдрийн хуулиар нэмсэн
4.1. энэ хуулийн 30.7 дугаар зүйлд заасан мөрдөн шалгах ажиллагаа;
Энэ заалтыг 2022 оны 12 дугаар сарын 16-ны өдрийн хуулиар нэмсэн
4.2. энэ хуулийн 22.1 дүгээр зүйлийн 3 дахь хэсэгт зааснаас бусад мөрдөгчийн бие даан явуулах мөрдөн шалгах ажиллагаа.
Энэ заалтыг 2022 оны 12 дугаар сарын 16-ны өдрийн хуулиар нэмсэн
5. Гэм буруугаа сайн дураараа хүлээн зөвшөөрч, хэргээ хялбаршуулсан журмаар хянан шийдвэрлүүлэх хүсэлт гаргасан боловч өмгөөлөгч авахаас татгалзсан яллагдагчид өмгөөлөгч томилж, хэрэг хянан шийдвэрлэх ажиллагаанд оролцуулах журмыг Монголын Өмгөөлөгчдийн Холбооны саналыг харгалзан хууль зүйн асуудал эрхэлсэн Засгийн газрын гишүүн батална.
Энэ хэсгийг 2024.01.17-ны өдрийн хуулиар нэмсэн бөгөөд 2024.08.01-ний өдрөөс эхлэн дагаж мөрдөнө
6. Прокурор, мөрдөгч яллагдагчид энэ хуулийн Долдугаар бүлэгт заасан эрх, үүргээс гадна дараах эрхийг тусгайлан танилцуулна:
Энэ хэсгийг 2024.01.17-ны өдрийн хуулиар нэмсэн бөгөөд 2024.08.01-ний өдрөөс эхлэн дагаж мөрдөнө
6.1. тухайн гэмт хэрэгт оногдуулахаар заасан эрүүгийн хариуцлагын төрөл, хэмжээний талаар мэдээлэл авах;
Энэ заалтыг 2024.01.17-ны өдрийн хуулиар нэмсэн бөгөөд
2024.08.01. -ний өдрөөс эхлэн дагаж мөрдөнө/
6.2. прокурорын санал болгосон эрүүгийн хариуцлагын төрөл, хэмжээг хүлээн зөвшөөрөх, эсхүл татгалзах;
Энэ заалтыг 2024.01.17-ны өдрийн хуулиар нэмсэн бөгөөд
2024.08.01. -ний өдрөөс эхлэн дагаж мөрдөнө/
6.3. эрүүгийн хариуцлагын төрөл, хэмжээний талаар өөрийн саналыг илэрхийлэх;
Энэ заалтыг 2024.01.17-ны өдрийн хуулиар нэмсэн бөгөөд
2024.08.01. -ний өдрөөс эхлэн дагаж мөрдөнө/
6.4. шүүх шийдвэр гаргахаар зөвлөлдөх тасалгаанд орохоос өмнө хэргээ хялбаршуулсан журмаар хянан шийдвэрлүүлэхээс татгалзах.
Энэ хэсгийг 2024.01.17-ны өдрийн хуулиар нэмсэн бөгөөд
2024.08.01. -ний өдрөөс эхлэн дагаж мөрдөнө/
7. Прокурор хохирогчид энэ зүйлийн 2 дахь хэсэгт заасан шийдвэрийг мэдэгдэж, хохирол нөхөн төлөх талаар яллагдагчийн гаргасан санал болон энэ хуулийн Наймдугаар бүлэгт заасан эрх, үүргийг тусгайлан танилцуулна.
Энэ хэсгийг 2024.01.17-ны өдрийн хуулиар нэмсэн бөгөөд 2024.08.01-ний өдрөөс эхлэн дагаж мөрдөнө
8. Хэд хэдэн гэмт хэрэг үйлдсэн яллагдагч зарим хэргээ хүлээн зөвшөөрөөгүй бол түүнд холбогдох хэргийг бүхэлд нь ердийн журмаар хянан шийдвэрлэнэ.
Энэ хэсгийг 2024.01.17-ны өдрийн хуулиар нэмсэн бөгөөд 2024.08.01-ний өдрөөс эхлэн дагаж мөрдөнө
9. Нэг, эсхүл хэд хэдэн гэмт хэрэг хамтран үйлдсэн яллагдагч нарын зарим нь гэм буруугаа бүрэн, эсхүл хэсэгчлэн хүлээн зөвшөөрөөгүй бол тухайн яллагдагч нарт холбогдох хэргийг ердийн журмаар хянан шийдвэрлэнэ.
Энэ хэсгийг 2024.01.17-ны өдрийн хуулиар нэмсэн бөгөөд 2024.08.01-ний өдрөөс эхлэн дагаж мөрдөнө
10. Гэм буруугаа хүлээн зөвшөөрч, гэмт хэргийг нотлоход дэмжлэг үзүүлсэн хүнд холбогдох хэргийг бусад яллагдагч нарт холбогдох хэргээс тусгаарласан бол түүнд холбогдох хэргийг хялбаршуулсан журмаар хянан шийдвэрлэж болно.
Энэ хэсгийг 2024.01.17-ны өдрийн хуулиар нэмсэн бөгөөд 2024.08.01-ний өдрөөс эхлэн дагаж мөрдөнө
11. Эрүүгийн хэргийг ердийн журмаар хянан шийдвэрлэсэн нь мөрдөн шалгах ажиллагааны явцад гэм буруугаа хүлээн зөвшөөрч, гэмт хэргийг нотлоход дэмжлэг үзүүлсэн хүнд Эрүүгийн хуулийн ерөнхий ангийн 6.7 дугаар зүйлд заасныг журамлан ял оногдуулахад саад болохгүй.
Энэ хэсгийг 2024.01.17-ны өдрийн хуулиар нэмсэн бөгөөд 2024.08.01-ний өдрөөс эхлэн дагаж мөрдөнө