Үй олноор хөнөөх зэвсэг дэлгэрүүлэхийг санхүүжүүлэх

Хувилбар

1. Монгол Улсын олон улсын гэрээгээр хориглосон хими, биологийн, эсхүл үй олноор хөнөөх бүх төрлийн зэвсэг, тэдгээрийн түүхий эд, эд зүйл, тоног төхөөрөмж, технологийг боловсруулах, үйлдвэрлэх, хуримтлуулах, олж авах, худалдах үйл ажиллагаанд зарцуулагдахыг мэдсээр байж шууд, эсхүл шууд бусаар эд хөрөнгө хуримтлуулсан, өөрчилсөн, шилжүүлсэн, зарцуулсан бол таван жилээс арван хоёр жил хүртэл хугацаагаар хорих ял шийтгэнэ.

Энэ хэсэгт 2019.10.10-ны өдрийн хуулиар нэмэлт оруулсан

2. Энэ гэмт хэргийг хуулийн этгээдийн нэрийн өмнөөс, хуулийн этгээдийн ашиг сонирхлын төлөө үйлдсэн бол хуулийн этгээдийг тодорхой төрлийн үйл ажиллагаа явуулах эрх хасаж нэг зуун хорин мянган нэгжээс дөрвөн зуун мянган нэгжтэй тэнцэх хэмжээний төгрөгөөр торгож, хуулийн этгээдийг албадан татан буулгана.

Энэ хэсэгт 2019.10.10-ны өдрийн хуулиар өөрчлөлт оруулсан

Шүүхийн практик

Эрх мэдлийн зэрэглэлээр давхарлаж эрэмбэлэв. Улсын дээд шүүхийн шийдвэр эхэнд; доод шатны шийдвэр жишээ, статистик ач холбогдолтой.

1 · Шүүхийн шийдвэрУлсын дээд шүүх

Энэ зүйлд хамаарах Улсын дээд шүүхийн албан ёсны тайлбар одоогоор алга.

2 · Сонгомол шийдвэрshuukh.mn — чиглүүлэх ач холбогдолтой

Сонгомол шийдвэр одоогоор холбоогүй.

Энэ зүйлийн нийт практик, ял оногдуулалтын статистик одоогоор холбогдоогүй. shuukh.mn дээрх шийдвэрийн сангаас зүйлийн дугаараар хайж болно.

Нэр томьёо

Холбогдох хуульчилсан нэр томьёо

"МОНГОЛ УЛСЫН ОЛОН УЛСЫН ГЭРЭЭ"

“МОНГОЛ УЛСЫН ОЛОН УЛСЫН ГЭРЭЭ” гэж Монгол Улс, Монгол Улсын Засгийн газраас гадаадын нэг болон хэд хэдэн улс, тэдгээрийн Засгийн газар, эсхүл олон улсын байгууллагатай тодорхой асуудлаар харилцан эдлэх эрх, хүлээх үүргийг тодорхойлон тогтоосон, олон улсын эрх зүйгээр зохицуулагдах, түүний төрөл, нэрнээс үл хамааран хоёр болон олон талын бичгээр үйлдсэн нэг, эсхүл өөр хоорондоо холбоотой хоёр болон хэд хэдэн баримт бичигт агуулагдаж байгаа олон улсын тохиролцоог; /2016.12.01-ны Олон улсын гэрээний тухай хуулийн 3.1.1/

/2016.12.01/

"ЭД ХӨРӨНГӨ"

“ЭД ХӨРӨНГӨ” Аливаа этгээдийн эзэмшилд байгаа эд юмсыг. /2002.01.10-ны Иргэний хуулийн 84.1/

/2002.01.10/

"ХУУЛИЙН ЭТГЭЭД"

“ХУУЛИЙН ЭТГЭЭД” гэж өмчлөлдөө буюу эзэмших, ашиглах, захиран зарцуулах эрхдээ тусгайлсан хөрөнгөтэй, өөрийн нэрээр эрх олж, үүрэг хүлээдэг, үйл ажиллагаанаасаа бий болох үр дагаварыг эд хөрөнгөөрөө хариуцдаг, нэхэмжлэгч, хариуцагч байж чадах, тодорхой зорилго бүхий, тогтвортой үйл ажиллагаа эрхэлдэг зохион байгуулалтын нэгдлийг. /2002.01.10-ны Иргэний хуулийн 25.1/

/2002.01.10/

Нэмэлт, өөрчлөлт

Нэмэлт, өөрчлөлтийн түүх

2019.10.10Нэмэлт

Энэ хэсэгт 2019.10.10-ны өдрийн хуулиар нэмэлт оруулсан

2019.10.10Өөрчлөлт

Энэ хэсэгт 2019.10.10-ны өдрийн хуулиар өөрчлөлт оруулсан

2018.04.26Нэмэлт

Энэ зүйлийг 2018.04.26-ны өдрийн хуулиар нэмсэн

2015.12.03Батлагдсан

Хууль батлагдсан үеийн анхны найруулга.