Хууль бусаар мод бэлтгэх

Хувилбар

1. Зөвшөөрөлгүйгээр ойд мод бэлтгэсэн, гарал үүслийн гэрчилгээгүйгээр мод, модон материалыг бэлтгэсэн, тээвэрлэсэн, худалдсан, худалдан авсан бол дөрвөн зуун тавин нэгжээс таван мянга дөрвөн зуун нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг сараас нэг жил хүртэл хугацаагаар зорчих эрхийг хязгаарлах ял шийтгэнэ.

Энэ хэсэгт 2017.05.11-ний өдрийн хуулиар нэмэлт, өөрчлөлт оруулсан

2. Энэ гэмт хэргийг:

2.1. байнга тогтвортой;

2.2. бүлэглэж;

2.3. улсын тусгай хамгаалалттай газар нутгийн ойд;

2.4. төрийн албан хаагч үйлдсэн бол нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ.

3. Энэ гэмт хэргийг хуулийн этгээдийн нэрийн өмнөөс, хуулийн этгээдийн ашиг сонирхлын төлөө үйлдсэн бол хуулийн этгээдийг тодорхой төрлийн үйл ажиллагаа явуулах эрх хасаж хорин мянган нэгжээс нэг зуун хорин мянган нэгжтэй тэнцэх хэмжээний төгрөгөөр торгох ял шийтгэнэ.

Мэргэжлийн тайлбар

Эх сурвалж: "Эрүүгийн хууль тогтоомжийн хэрэглээ" (2024 эмхэтгэл) — Хэрэглээ

Мод бэлтгэх эрхийн бичгийн дагуу бэлтгэсэн модоо тээвэрлэх явцад эрхийн бичигт заагдсан хугацаа дууссан үйлдлийг Эрүүгийн хуулийн 24.6 дугаар зүйлд заасан “Хууль бусаар мод бэлтгэх” гэмт хэрэгт тооцох хууль зүйн үндэслэлгүй болно. /УДШ-ийн 2020.07.03-ны №370 тогтоол/

Мэргэжлийн тайлбар — Мэргэжлийн багцад

Энэ зүйлийн мэргэжлийн тайлбарын бүрэн эх, шинжилгээг Мэргэжлийн багцаар нээнэ үү.

Шүүхийн практик

Эрх мэдлийн зэрэглэлээр давхарлаж эрэмбэлэв. Улсын дээд шүүхийн шийдвэр эхэнд; доод шатны шийдвэр жишээ, статистик ач холбогдолтой.

1 · Шүүхийн шийдвэрУлсын дээд шүүх

Энэ зүйлд хамаарах Улсын дээд шүүхийн албан ёсны тайлбар одоогоор алга.

2 · Сонгомол шийдвэрshuukh.mn — чиглүүлэх ач холбогдолтой

Сонгомол шийдвэр одоогоор холбоогүй.

Энэ зүйлийн нийт практик, ял оногдуулалтын статистик одоогоор холбогдоогүй. shuukh.mn дээрх шийдвэрийн сангаас зүйлийн дугаараар хайж болно.

Нэр томьёо

Холбогдох хуульчилсан нэр томьёо

"ЗОРЧИХ ЭРХИЙГ ХЯЗГААРЛАХ ЯЛ"

“ЗОРЧИХ ЭРХИЙГ ХЯЗГААРЛАХ ЯЛ” гэж гэмт хэрэг үйлдсэн хүнийг эрх бүхий байгууллагын хяналтад өөрийн оршин суух газраас явахыг хориглох, тодорхой газар очихыг хориглох, шүүхээс тогтоосон чиглэлээр зорчих, эрх бүхий байгууллагын зөвшөөрөлтэйгээр оршин суух газраа өөрчлөх, зорчих үүргийг нэг сараас таван жил хүртэл хугацаагаар хүлээлгэхийг, /2015.12.03-ны Эрүүгийн хуулийн 5.5.1/

/2015.12.03/

"ТӨРИЙН АЛБАН ХААГЧ"

“ТӨРИЙН АЛБАН ХААГЧ” гэж төрийн албан тушаалыг эрхэлж, эрх, үүргээ хэрэгжүүлсний төлөө төрөөс цалин хөлс авч, ажиллах нөхцөл, баталгаагаар хангагдан ажиллаж байгаа этгээдийг. /2017.12.07-ны Төрийн албаны тухай хуулийн 3.1.2/

/2017.12.07/

"ХУУЛИЙН ЭТГЭЭД"

“ХУУЛИЙН ЭТГЭЭД” гэж өмчлөлдөө буюу эзэмших, ашиглах, захиран зарцуулах эрхдээ тусгайлсан хөрөнгөтэй, өөрийн нэрээр эрх олж, үүрэг хүлээдэг, үйл ажиллагаанаасаа бий болох үр дагаварыг эд хөрөнгөөрөө хариуцдаг, нэхэмжлэгч, хариуцагч байж чадах, тодорхой зорилго бүхий, тогтвортой үйл ажиллагаа эрхэлдэг зохион байгуулалтын нэгдлийг. /2002.01.10-ны Иргэний хуулийн 25.1/

/2002.01.10/

Нэмэлт, өөрчлөлт

Нэмэлт, өөрчлөлтийн түүх

2017.05.11Өөрчлөлт

Энэ хэсэгт 2017.05.11-ний өдрийн хуулиар нэмэлт, өөрчлөлт оруулсан

2015.12.03Батлагдсан

Хууль батлагдсан үеийн анхны найруулга.