Мал хулгайлах

Хувилбар

1. Бусдын малыг хулгайлсан бол зургаан сараас таван жил хүртэл хугацаагаар зорчих эрхийг хязгаарлах, эсхүл зургаан сараас таван жил хүртэл хугацаагаар хорих ял шийтгэнэ.

Энэ хэсэгт 2020.01.16-ны өдрийн хуулиар өөрчлөлт оруулсан

2. Энэ гэмт хэргийг:

2.1. олон тооны мал хулгайлж;

2.2. бүлэглэж;

2.3. улсын хилээр нэвтрүүлж;

2.4. машин механизм ашиглаж;

2.5. ноцтой хохирол, хор уршиг учруулж;

2.6. гойд ашиг шимт малыг хулгайлж үйлдсэн бол хоёр жилээс найман жил хүртэл хугацаагаар хорих ял шийтгэнэ.

Энэ хэсгийг 2020.01.16-ны өдрийн хуулиар өөрчлөн найруулсан

3. Энэ гэмт хэргийг:

3.1. байнга үйлдэж амьдралын эх үүсвэр болгосон;

3.2. зохион байгуулалттай гэмт бүлэг үйлдсэн бол таван жилээс арван хоёр жил хүртэл хугацаагаар хорих ял шийтгэнэ.

Энэ тайлбарт 2020.01.16-ны өдрийн хуулиар өөрчлөлт оруулсан Энэ зүйлийг 2017.05.11-ний өдрийн хуулиар өөрчлөн найруулсан

Мэргэжлийн тайлбар

Эх сурвалж: "Эрүүгийн хууль тогтоомжийн хэрэглээ" (2024 эмхэтгэл) — Хэрэглээ

-Энэ зүйлд заасан “олон тооны мал” гэж найман бог, хоёр бод, түүнээс дээш малыг ойлгоно. Богийг бодод шилжүүлэхдээ нэг бодыг дөрвөн богоор тооцно.

Мэргэжлийн тайлбар — Мэргэжлийн багцад

Энэ зүйлийн мэргэжлийн тайлбарын бүрэн эх, шинжилгээг Мэргэжлийн багцаар нээнэ үү.

Шүүхийн практик

Эрх мэдлийн зэрэглэлээр давхарлаж эрэмбэлэв. Улсын дээд шүүхийн шийдвэр эхэнд; доод шатны шийдвэр жишээ, статистик ач холбогдолтой.

1 · Шүүхийн шийдвэрУлсын дээд шүүх

Энэ зүйлд хамаарах Улсын дээд шүүхийн албан ёсны тайлбар одоогоор алга.

2 · Сонгомол шийдвэрshuukh.mn — чиглүүлэх ач холбогдолтой

Сонгомол шийдвэр одоогоор холбоогүй.

Энэ зүйлийн нийт практик, ял оногдуулалтын статистик одоогоор холбогдоогүй. shuukh.mn дээрх шийдвэрийн сангаас зүйлийн дугаараар хайж болно.

Нэр томьёо

Холбогдох хуульчилсан нэр томьёо

"ОЛОН ТООНЫ МАЛ"

“ОЛОН ТООНЫ МАЛ” /Эрүүгийн хуулийн 17.12 дугаар зүйлд заасан/ гэж найман бог, хоёр бод, түүнээс дээш малыг ойлгоно. Богийг бодод шилжүүлэхдээ нэг бодыг дөрвөн богоор тооцно. /2015.12.03-ны Эрүүгийн хуулийн 17.12/

/2015.12.03/

"НОЦТОЙ ХОХИРОЛ, ХОР УРШИГ"

“НОЦТОЙ ХОХИРОЛ, ХОР УРШИГ” гэж хохирогчийн амьдралын эх үүсвэр болсон эд хөрөнгийн эрхэд, эсхүл улс орон, хүн амын аюулгүй байдалд ач холбогдол бүхий эрхэд хохирол, хор уршиг учирсныг ойлгоно. /2015.12.03-ны Эрүүгийн хуулийн 2.5.3/

/2015.12.03/

"ЗОХИОН БАЙГУУЛАЛТТАЙ ГЭМТ БҮЛЭГ"

“ЗОХИОН БАЙГУУЛАЛТТАЙ ГЭМТ БҮЛЭГ” гэж гэмт хэрэг байнга үйлдэж ашиг олох зорилгоор урьдчилан нэгдсэн гурав, түүнээс олон хүний тогтвортой нэгдлийг, /2015.12.03-ны Эрүүгийн хуулийн 3.8.1/

/2015.12.03/

Нэмэлт, өөрчлөлт

Нэмэлт, өөрчлөлтийн түүх

Заалт хоорондын redline-ийг дээрх «Хувилбар → Харьцуулах» горимоос үзнэ үү.

2020.01.16Өөрчлөлт

Энэ хэсэгт 2020.01.16-ны өдрийн хуулиар өөрчлөлт оруулсан

2020.01.16Шинэчлэн найруулсан

Энэ хэсгийг 2020.01.16-ны өдрийн хуулиар өөрчлөн найруулсан

2020.01.16Өөрчлөлт

Энэ тайлбарт 2020.01.16-ны өдрийн хуулиар өөрчлөлт оруулсан

2017.05.11Шинэчлэн найруулсан

Энэ зүйлийг 2017.05.11-ний өдрийн хуулиар өөрчлөн найруулсан

2015.12.03Батлагдсан

Хууль батлагдсан үеийн анхны найруулга.