Ерөнхий анги

Тусгай анги

13.8 дугаар зүйл

Зөвшөөрөлгүй гэрэл зураг авах, дуу, дүрс бичлэг хийж дамжуулах, тараах

Хувилбар

1. Оршин суугчийн зөвшөөрөлгүйгээр орон байранд, эсхүл гадна талаас орон байрны доторх орчны болон орох, гарах хэсгийг хамруулан гэрэл зураг авч, эсхүл дууны, дүрсний, дуу-дүрсний бичлэг хийж олон нийтэд тараасан, эсхүл бусдад дамжуулсан бол дөрвөн зуун тавин нэгжээс хоёр мянга долоон зуун нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг сараас зургаан сар хүртэл хугацаагаар зорчих эрхийг хязгаарлах ял шийтгэнэ.

2. Энэ зүйлийн 1 дэх хэсэгт заасан аргаар хийсэн гэрэл зураг, дууны, дүрсний, дуу-дүрсний бичлэгийг олон нийтэд тараасан бол дөрвөн зуун тавин нэгжээс хоёр мянга долоон зуун нэгжтэй тэнцэх хэмжээний төгрөгөөр торгох, эсхүл нэг сараас зургаан сар хүртэл хугацаагаар зорчих эрхийг хязгаарлах, эсхүл нэг сараас зургаан сар хүртэл хугацаагаар хорих ял шийтгэнэ.

Энэ хэсгийг 2017.05.11-ний өдрийн хуулиар хүчингүй болсонд тооцсон

3. Эрх бүхий албан тушаалтан хуульд заасан үндэслэл, журмыг зөрчиж орон байранд, гадна талаас орон байрны доторх орчны болон орох, гарах хэсгийг хамруулан гэрэл зураг авсан, дууны, дүрсний, дуу-дүрсний бичлэг хийсэн бол дөрвөн зуун тавин нэгжээс хоёр мянга долоон зуун нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг сараас зургаан сар хүртэл хугацаагаар зорчих эрхийг хязгаарлах ял шийтгэнэ.

Энэ хэсэгт 2021.12.17-ны өдрийн хуулиар өөрчлөлт оруулсан Энэ хэсэгт 2017.05.11-ний өдрийн хуулиар өөрчлөлт оруулсан

4. Хувь хүний халдашгүй, чөлөөтэй байх эрхэд илтэд халдахаар байршилд дууны, дүрсний, дуу-дүрсний бичлэг хийж олон нийтэд тараасан, бусдад дамжуулсан, эсхүл эрх бүхий албан тушаалтан хуульд заасан үндэслэл, журмыг зөрчиж авсан гэрэл зураг, дууны, дүрсний, дуу-дүрсний бичлэгийг олон нийтэд тараасан нь мөрдөн шалгах ажиллагааны нууцыг задруулах гэмт хэргийн шинжгүй бол хоёр жил хүртэл хугацаагаар эрх хасаж зургаан сараас нэг жил хүртэл хугацаагаар хорих ял шийтгэнэ.

Энэ хэсэгт 2021.12.17-ны өдрийн хуулиар өөрчлөлт оруулсан Энэ хэсэгт 2017.05.11-ний өдрийн хуулиар өөрчлөлт оруулсан Энэ хэсэгт 2020.01.10-ны өдрийн хуулиар өөрчлөлт оруулсан Энэ хэсэгт 2021.12.17-ны өдрийн хуулиар нэмэлт оруулсан Энэ зүйлийн тайлбарыг 2017.05.11-ний өдрийн хуулиар нэмсэн

Мэргэжлийн тайлбар

Эх сурвалж: "Эрүүгийн хууль тогтоомжийн хэрэглээ" (2024 эмхэтгэл) — Хэрэглээ

-Энэ зүйлд заасан “хувь хүний халдашгүй, чөлөөтэй байх эрхэд илтэд халдахаар байршил” гэж ариун цэврийн өрөө, хувцас солих өрөө, нийтийн үйлчилгээний газрын тусгай зориулалтын үйлчилгээний өрөө, караокены өрөө, зочид буудлын өрөө, эрүүл мэндийн тусламж, үйлчилгээг үзүүлэх хэвтүүлэн эмчлэх өрөө…

Мэргэжлийн тайлбар — Мэргэжлийн багцад

Энэ зүйлийн мэргэжлийн тайлбарын бүрэн эх, шинжилгээг Мэргэжлийн багцаар нээнэ үү.

Шүүхийн практик

Эрх мэдлийн зэрэглэлээр давхарлаж эрэмбэлэв. Улсын дээд шүүхийн шийдвэр эхэнд; доод шатны шийдвэр жишээ, статистик ач холбогдолтой.

1 · Шүүхийн шийдвэрУлсын дээд шүүх

Энэ зүйлд хамаарах Улсын дээд шүүхийн албан ёсны тайлбар одоогоор алга.

2 · Сонгомол шийдвэрshuukh.mn — чиглүүлэх ач холбогдолтой

Сонгомол шийдвэр одоогоор холбоогүй.

Энэ зүйлийн нийт практик, ял оногдуулалтын статистик одоогоор холбогдоогүй. shuukh.mn дээрх шийдвэрийн сангаас зүйлийн дугаараар хайж болно.

Нэр томьёо

Холбогдох хуульчилсан нэр томьёо

"ЗОРЧИХ ЭРХИЙГ ХЯЗГААРЛАХ ЯЛ"

“ЗОРЧИХ ЭРХИЙГ ХЯЗГААРЛАХ ЯЛ” гэж гэмт хэрэг үйлдсэн хүнийг эрх бүхий байгууллагын хяналтад өөрийн оршин суух газраас явахыг хориглох, тодорхой газар очихыг хориглох, шүүхээс тогтоосон чиглэлээр зорчих, эрх бүхий байгууллагын зөвшөөрөлтэйгээр оршин суух газраа өөрчлөх, зорчих үүргийг нэг сараас таван жил хүртэл хугацаагаар хүлээлгэхийг, /2015.12.03-ны Эрүүгийн хуулийн 5.5.1/

/2015.12.03/

"ЭРХ БҮХИЙ АЛБАН ТУШААЛТАН"

“ЭРХ БҮХИЙ АЛБАН ТУШААЛТАН” /Эрүүгийн хуулийн 13 дугаар бүлэгт заасан/ гэж хуульд заасны дагуу мөрдөн шалгах, хэрэг бүртгэх, зөрчил шалган шийдвэрлэх ажиллагаа, гүйцэтгэх ажил явуулах эрх бүхий хүнийг ойлгоно. /2015.12.03-ны Эрүүгийн хуулийн 13.8/

/2015.12.03/

"ХУВЬ ХҮНИЙ ХАЛДАШГҮЙ, ЧӨЛӨӨТЭЙ БАЙХ ЭРХЭД ИЛТЭД ХАЛДАХААР БАЙРШИЛ"

“ХУВЬ ХҮНИЙ ХАЛДАШГҮЙ, ЧӨЛӨӨТЭЙ БАЙХ ЭРХЭД ИЛТЭД ХАЛДАХААР БАЙРШИЛ” гэж ариун цэврийн өрөө, хувцас солих өрөө, нийтийн үйлчилгээний газрын тусгай зориулалтын үйлчилгээний өрөө, караокены өрөө, зочид буудлын өрөө, эрүүл мэндийн тусламж, үйлчилгээг үзүүлэх хэвтүүлэн эмчлэх өрөө зэргийг ойлгоно. /2015.12.03-ны Эрүүгийн хуулийн 13.8 дугаар зүйл/

/2015.12.03/

"МӨРДӨН ШАЛГАХ АЖИЛЛАГАА"

“МӨРДӨН ШАЛГАХ АЖИЛЛАГАА” гэж хэрэг бүртгэлт, мөрдөн байцаалтын явцад прокурорын зөвшөөрлөөр, эсхүл мөрдөгч бие даан явуулах энэ хуульд заасан ажиллагааг; /2017.05.18-ны Эрүүгийн хэрэг хянан шийдвэрлэх тухай хуулийн 1.4.1.1.9/

/2017.05.18/

Нэмэлт, өөрчлөлт

Нэмэлт, өөрчлөлтийн түүх

Заалт хоорондын redline-ийг дээрх «Хувилбар → Харьцуулах» горимоос үзнэ үү.

2021.12.17Өөрчлөлт

Энэ хэсэгт 2021.12.17-ны өдрийн хуулиар өөрчлөлт оруулсан

2021.12.17Нэмэлт

Энэ хэсэгт 2021.12.17-ны өдрийн хуулиар нэмэлт оруулсан

2020.01.10Өөрчлөлт

Энэ хэсэгт 2020.01.10-ны өдрийн хуулиар өөрчлөлт оруулсан

2017.05.11Өөрчлөлт

Энэ зүйлийн гарчигт 2017.05.11-ний өдрийн хуулиар өөрчлөлт оруулсан

2017.05.11Өөрчлөлт

Энэ хэсэгт 2017.05.11-ний өдрийн хуулиар өөрчлөлт оруулсан

2017.05.11Хүчингүй болсон

Энэ хэсгийг 2017.05.11-ний өдрийн хуулиар хүчингүй болсонд тооцсон

2017.05.11Нэмэлт

Энэ зүйлийн тайлбарыг 2017.05.11-ний өдрийн хуулиар нэмсэн

2015.12.03Батлагдсан

Хууль батлагдсан үеийн анхны найруулга.