Ерөнхий анги

Тусгай анги

12.1 дугаар зүйл

Хүчиндэх

Хувилбар

1. Хохирогчийн хүсэл зоригийн эсрэг хүч хэрэглэж, хүч хэрэглэхээр заналхийлж, эсхүл сэтгэцийн өвчтэй, согтуурсан, мансуурсан, сэтгэцийн үйл ажиллагаа нь түр сарнисан, бусад өвчний улмаас биеэ хамгаалах, эсэргүүцэл үзүүлэх чадваргүй, эсхүл эд хөрөнгө, албан тушаал, бусад нөхцөл байдлын улмаас эрхшээлдээ байгааг далимдуулан хүчээр бэлгийн харьцаанд орсон, эсхүл бэлгийн харьцааны шинжтэй хүч хэрэглэсэн үйлдэл хийсэн бол нэг жилээс таван жил хүртэл хугацаагаар хорих ял шийтгэнэ.

2. Энэ гэмт хэргийг:

2.1. арван дөрвөөс дээш арван найман насанд хүрээгүй хүнийг хүчиндэж;

Энэ заалтад 2017.05.11-ний өдрийн хуулиар өөрчлөлт оруулсан

2.2. бүлэглэж;

2.3. гэр бүлийн хамаарал бүхий харилцаатай хүнийг хүчиндэж;

2.4. хохирогчийг жирэмсэн болгож;

2.5. хохирогчид бэлгийн замын халдварт өвчин халдааж;

2.6. хоёр, түүнээс олон хүнийг хүчиндэж;

2.7. урьд нь энэ бүлэгт заасан гэмт хэргийг үйлдэж гэм буруутайд тооцогдож байсан хүн;

2.8. харгис хэрцгий аргаар;

2.9. бие махбодын, сэтгэл санааны шаналал, зовиур үүсгэж;

Энэ заалтыг 2017.05.11-ний өдрийн хуулиар хүчингүй болсонд тооцсон

2.10. хохирогчийг тохуурхан доромжилж үйлдсэн бол таван жилээс арван хоёр жил хүртэл хугацаагаар хорих ял шийтгэнэ.

Энэ заалтад 2020.01.10-ны өдрийн хуулиар өөрчлөлт оруулсан

3. Энэ гэмт хэргийн улмаас ураг зулбасан, эсхүл арван зургаан насанд хүрээгүй хүнийг жирэмсэн болгосон; гэр бүлийн хамаарал бүхий арван зургаан насанд хүрээгүй хүнийг хүчиндсэн бол найман жилээс арван таван жил хүртэл хугацаагаар хорих ял шийтгэнэ.

Энэ хэсэгт 2020.01.10-ны өдрийн хуулиар өөрчлөлт оруулсан

4. Энэ гэмт хэргийг бага насны хүүхдийн эсрэг үйлдсэн; энэ гэмт хэргийн улмаас хохирогч нас барсан бол арван хоёр жилээс хорин таван жил хүртэл хугацаагаар, эсхүл бүх насаар хорих ял шийтгэнэ.

Энэ хэсэгт 2023.12.07-ны өдрийн хуулиар “хорин” гэснийг “хорин таван” гэж өөрчлөлт оруулсан

Мэргэжлийн тайлбар

Эх сурвалж: "Эрүүгийн хууль тогтоомжийн хэрэглээ" (2024 эмхэтгэл) — Хэрэглээ

-Бага насны хүүхдийн эсрэг энэ гэмт хэргийг үйлдсэнд тооцоход энэ зүйлийн 1 дэх хэсэгт заасан аргаар үйлдсэн байхыг шаардахгүй.

Мэргэжлийн тайлбар — Мэргэжлийн багцад

Энэ зүйлийн мэргэжлийн тайлбарын бүрэн эх, шинжилгээг Мэргэжлийн багцаар нээнэ үү.

Шүүхийн практик

Эрх мэдлийн зэрэглэлээр давхарлаж эрэмбэлэв. Улсын дээд шүүхийн шийдвэр эхэнд; доод шатны шийдвэр жишээ, статистик ач холбогдолтой.

1 · Шүүхийн шийдвэрУлсын дээд шүүх

Энэ зүйлд хамаарах Улсын дээд шүүхийн албан ёсны тайлбар одоогоор алга.

2 · Сонгомол шийдвэрshuukh.mn — чиглүүлэх ач холбогдолтой

Сонгомол шийдвэр одоогоор холбоогүй.

Энэ зүйлийн нийт практик, ял оногдуулалтын статистик одоогоор холбогдоогүй. shuukh.mn дээрх шийдвэрийн сангаас зүйлийн дугаараар хайж болно.

Нэр томьёо

Холбогдох хуульчилсан нэр томьёо

"БЭЛГИЙН ХАРЬЦААНЫ ШИНЖТЭЙ ХҮЧ ХЭРЭГЛЭСЭН ҮЙЛДЭЛ"

“БЭЛГИЙН ХАРЬЦААНЫ ШИНЖТЭЙ ХҮЧ ХЭРЭГЛЭСЭН ҮЙЛДЭЛ” гэж хохирогчийн биеийн аль нэг хэсэгт бэлэг эрхтнээ оруулсан; хохирогчийн бэлэг эрхтэнд өөрийн бусад эрхтэн, эсхүл өөр зүйл оруулсныг ойлгоно. /2015.12.03-ны Эрүүгийн хуулийн 12.1/

/2015.12.03/

"СОГТУУРСАН"

“СОГТУУРСАН” /Эрүүгийн хуульд заасан/ гэж шалгаж, тогтоох ажиллагааны үр дүнд шалгуулагчийн амьсгал дахь спиртийн агууламж 0.20, түүнээс дээш промиль (%), эсхүл цусан дахь спиртийн агууламж 0.5, түүнээс дээш промиль (%) илэрснийг ойлгоно. /2015.12.03-ны Эрүүгийн хуулийн 27.10/

/2015.12.03/

"ЭД ХӨРӨНГӨ"

“ЭД ХӨРӨНГӨ” Аливаа этгээдийн эзэмшилд байгаа эд юмсыг. /2002.01.10-ны Иргэний хуулийн 84.1/

/2002.01.10/

"ХОХИРОГЧ"

“ХОХИРОГЧ” гэж гэмт хэргийн улмаас амь нас, эрүүл мэнд, бусад эрх, эрх чөлөө, эд хөрөнгийн болон эд хөрөнгийн бус хохирол хүлээсэн хүн, хуулийн этгээдийг, /2017.05.18-ны Эрүүгийн хэрэг хянан шийдвэрлэх тухай хуулийн 8.1/

/2017.05.18/

"ГЭР БҮЛИЙН ХАМААРАЛ БҮХИЙ ХАРИЛЦАА"

“ГЭР БҮЛИЙН ХАМААРАЛ БҮХИЙ ХАРИЛЦАА” /Эрүүгийн хууль заасан/ гэж гэр бүлийн гишүүд, бусад шалтгаанаар хамт амьдарч байгаа, гэрлэлт нь цуцлагдсан, бусад шалтгаанаар хамт амьдарч байгаад больсон хүн, асран хамгаалагч, харгалзан дэмжигч, асрамжийн үйлчилгээ үзүүлж байгаа хүн, тэдгээрийн асрамжид байгаа хүмүүсийн хоорондын харилцааг ойлгоно. /2015.12.03-ны Эрүүгийн хуулийн 10.4/

/2015.12.03/

Нэмэлт, өөрчлөлт

Нэмэлт, өөрчлөлтийн түүх

Заалт хоорондын redline-ийг дээрх «Хувилбар → Харьцуулах» горимоос үзнэ үү.

2023.12.07Өөрчлөлт

Энэ хэсэгт 2023.12.07-ны өдрийн хуулиар “хорин” гэснийг “хорин таван” гэж өөрчлөлт оруулсан

2020.01.10Өөрчлөлт

Энэ заалтад 2020.01.10-ны өдрийн хуулиар өөрчлөлт оруулсан

2020.01.10Өөрчлөлт

Энэ хэсэгт 2020.01.10-ны өдрийн хуулиар өөрчлөлт оруулсан

2017.05.11Өөрчлөлт

Энэ заалтад 2017.05.11-ний өдрийн хуулиар өөрчлөлт оруулсан

2017.05.11Хүчингүй болсон

Энэ заалтыг 2017.05.11-ний өдрийн хуулиар хүчингүй болсонд тооцсон

2015.12.03Батлагдсан

Хууль батлагдсан үеийн анхны найруулга.